مقرر تصميم متعدد وسائط من احلى المقررات التي اخذتها بالجامعه صج ان هالماده فيها شغل واجد وكرف ولكن استفدنا بالنهايه، وتعلمت على برامج جديده ما كنت اعرفها من قبل، وتعلمت شلون احرر الصوت بالاستخدام برنامج الاوداسيتي،وتعلمت اساسيات التصوير وشلون احرر الصور باستخدام برنامج الفوتوشوب،وكيفيه تصوير فيديو وتحريره باستخدام برنامج الموفي ميكر،بالاضافه الى كيفيه دمج الصور بالصوت باستخدام برنامج الساوند سلايد
ومقرر تصميم متعدد وسائط يختلف عن باجي المقررات اللي اخذتها شغلها كله عملي وهالشي حبيته بهالماده،وبالنسبه للمحاظرات كانت حلوه وممتعه حتى الوقت كان يمر بسرعه على عكس باجي المحاظرات ، وبالنسبه لمحاظرات اسايات التصوير اللي شرحها لنا الدكتور حيل استفدت منها لدرجه اللحين لو اشوف صوره قمت ادقق فيها عكس اول كانت تمر ببالي بسرعه وبشكل عادي ، واستمتعت بزياره المصور عبدالله الشايجي والمصور بدر العنزي واستفدت من خبراتهم في مجال التصوير وهذا الشي ساعدني في اتمام المشاريع اللي كلفنا فيها الدكتور